成日都聽到朋友講「不如搵啲野搞下」。我相信，你身邊總有這樣一個朋友。並非厭惡打工，只係每個成年人都總有個「那一天我們會飛」未圓的夢。
做生意，每年的年頭理性同情感都充滿著衝擊，埋頭做forecasting時，心，總會多忐忑，總會太多問號，太多不明朗，邊有人估到一年365日會發生咩事。況且，2016始終是個危機年。當然，無論經濟好壞，盡左力，問心無愧。三位腦細都做過打工仔，絕不希望返工無目標，魂魄唔齊（當然，未怕過無生意，只係比個藉口大家發揮工作以外的能力同興趣）。既然，與其等無生意、坐著發夢先醒覺；不如先來個「全民發夢」。
好啦，發咩夢好？
發團隊共同的大夢，各展長處，由公司出錢，隨同事鐘意做乜就做乜。唔好諗商業價值，只諗對人好。唯一條件，全民參與，用創意感染人。目標純為儲經驗值，透過討論，磨合，共同進退，由零開始，無人「熨穚」。直至見街，面對群眾，為止。從前，客戶做產品，我們做推廣。
