一年前，我和Ken&Mike創立AIR無耐，有日我行行下街買野，突然聯想到個Start-up Idea，再同Ken講解完後，佢只回了我一個字「喂，得喎！」襯未有JOB，打鐵襯熱，之後兩個星期，我地搵到天使投資者感興趣。當時我個心其實好忐忑。Shit! 那邊廂啱啱先開始AIR，呢邊個又搞多個Start-up。當然，做Start-up 邊會咁順利，最後因為股權問題，只可將項目先行擱罝。打後我用8個月時間全力專注AIR。有一日，個腦叮左一下，好似有啲野遺忘左…
容許我回少少帶。大概2003(后科網爆破時代) 啱啱畢業的我都無咩打算，慶幸搵到份月薪9,500的工作，二話不說，做。S公司係香港的開荒牛，跑去開發啲冷門野，什麼什麼無線射頻識別技術 (RFID)，初入行時我都唔太熟悉。沒有太大期望，反而遇到更多。喺S公司遇上了我生命中的兩位前輩－阿海同Gary。做了不過一年，我便向Gary 辭職，因為紿終對高科技不太感興趣。同時踫正阿海介紹我到DBS工作。十年過去，Gary亦創立了自己公司，工作上偶有來往，但亦只流於工作上。
上星期初五擇好時晨開工（廣告業內總有人略懂風水），突然腦叮左一下（唔知同風水有冇關係），想起了Gary！我立即Whatsapp Gary約佢出來食飯！原先打算下星期見面，但被心入面團火完全蓋過，再問Gary，「你聽日有冇時間？」10秒過後…「OK!」 我個心簡直再跳快多一倍！
「Hi Gary!」我們先用10分鐘Update下大家近況！急不及待要入正題，深呼吸一口氣，先給腦部送多點Oxygen！一口氣用了3分鐘時間講解我整個構思「痛點、解決概念、市場潛力」言談間，我便知道我找對了人。心底的火其實一直燃燒著，我們再用1個小時暢談個Start-up的前景！
Start-up 取決於執行力，執行力在於人為。能找對的人合作係運氣加緣分，「一拍即合」值得高興！
希望日後能仔細紀錄這次Start-up的心路歷程。
