有為青年

經過一個月辛勞,感謝上天眷顧,係連續3日都絕好陽光之下,Oxy 5D體驗號終於見街。今次個廣告原底條片唧晒瘡又噴濃,最後被我們團隊修成一齣電影和一個Activation Idea。

AIR找來一位戰友,整咗個5D又噴風又噴水的裝罝,原理主要係用Raspberry Pi 來做控制夜視鏡,開關摩打再加上氣泵和水泵為觀眾帶來快感。三日以來,差不多每分鐘都有人玩,而我匿埋係車入面,聽到600位市民的笑聲,叫聲,喊咁口的聲,揦晒口面,作為策劃人,有咩好得過面對面見到觀眾反應,自然暗爽起來。活動中途太多小插曲,做Event無得呃,即時反應,即時修正。

同時,在8位Promoter當中看到一位年輕人,無論我安排佢做咩崗位佢,細至搬搬抬抬,大至面對群眾,都做到120%,剩係份熱誠都赢晒。再次感謝上天比個咁筍的機會我,重唔拿拿臨問佢畢業未。可惜,堅可惜,佢只係中大中文系第一年,正直大癲大肺之期!但我都抄左牌,叫佢出年考慮來AIR做Intern。試想想,當8位大學生入面只有1個,情況就好似見工一樣,20個入面都肯定絕無一個人可以比你對足3日,眼金金咁望住佢,重不斷試下比唔同的要求佢,都過曬關,內心都浮現左「飛雲,機會嚟喇!」

年輕人,希望一年後AIR再會!

 

denny

學做生意,更學做人。慢慢做,沒有做不來。

Leave a Reply